قلعہ دیدار سنگھ:آندھی سے گورنمنٹ گرلز گریجویٹ کالج کی دیوارگر گئی 

قلعہ دیدار سنگھ(نمائندہ خصوصی)تیز آندھی سے گورنمنٹ گریجویٹ کالج برائے خواتین کی دیوار زمین بوس ہوگئی،بیرونی دیوار نہ ہونے سے سکیورٹی خدشات بڑھ گئے ۔ حکام سے فوری تعمیر کروانے کا مطالبہ۔گزشتہ شب تیز آندھی آنے کی وجہ سے گورنمنٹ گریجویٹ کالج برائے خواتین قلعہ دیدار سنگھ کی بیرونی دیوار زمین بوس ہوگئی۔ دیوار نہ ہونے سے طالبات کی بے پردگی بھی ہورہی ہے اور تعلیمی سرگرمیاں جاری رکھنے میں دشواری کا سامنا ہے۔شہریوں نے وزیر اعلیٰ پنجاب سمیت حکام بالا سے اپیل کی ہے کہ کالج کی دیوار فوری تعمیر کروائی جائے اور دیوار کیساتھ کوڑا پھینکنے پر بھی پابندی عائد کی جائے۔