ہیڈبلوکی، گرد ونواح میں 18 گھنٹے سے زائد لوڈشیڈنگ، عوام سراپا احتجاج 

سرائے مغل (نامہ نگار) حساس ترین علاقے ہیڈ بلوکی اور گردونواح میں تین روز سے بجلی بند ہے جبکہ پڈھانہ، ہلہ اور مضافات میں بد ترین غیر اعلانیہ لوڈ شیڈنگ نے عوام کا جینا حرام کر دیا ہے۔ دورانیہ 18 گھنٹے سے تجاوز کر گیا۔ لیسکو افسروں نے عوام کے مسائل سے آنکھیں بند کر رکھی ہیں۔ لیسکو لائٹ وٹس ایپ پر فیڈر آن جبکہ علاقہ بھر کی  لائیٹ بند رہتی ہے۔ عوامی سماجی حلقوں نے اعلی حکام سے ہیڈ بلوکی میں تین روز سے بجلی بند رہنے اور غیر اعلانہ طویل لوڈ شیڈنگ کا فوری نوٹس لیکر نااہل ملازمین کے خلاف سخت کارروائی کرنے اور لوڈ شیڈنگ بند کرانے کا مطالبہ کیا۔