راولپنڈی(جنرل رپورٹر)پیر ودہائی سبزی منڈی موڑ میں گرین بیلٹ پر غیر قانونی قبضہ کرتے ہوئے ریڑھی بانوں نے شہریوں کی زندگی اجیرن کر دی ہے، جگہ جگہ ریڑھی بانوں، ٹھیہ بانوں اور چھابہ فروشوں نے اپنی مرضی سے کھوکھے اور مستقل بنیادوں پر بیٹھ کر اشیا فروخت کرنا شروع کر دی ہیں، جہاں پر ان کی وجہ سے گھنٹوں ٹریفک جام رہتی ہے، دفتروں اور سکولوں کالجوں کو جانے والوں کو مشکلات کا سامنا کرنا پڑتا ہے، یہ باتیں گزشتہ روز راولپنڈی اور اسلام آباد جانے والے شہریوں غفار، خالق، محمد اجمل، شفا  اللہ، عارف خان، رفیق، راجہ نوید، ریاض احمد خان، نعمان اور دیگر نے گفتگو کرتے ہوئے کہیں