اسلام آباد (اپنے سٹاف رپورٹر سے )یونیورسٹی آف گجرات کے ڈین پروفیسر ڈاکٹرزاہد یوسف کا پیسیفک یونیورسٹی کیلیفورنیا،کادورہ ،دوطرفہ تعاون پر بات چیت کی۔یہ دورہ ڈائریکٹر گریجویٹ پروگرام ڈاکٹر چنگ وین ڈونگ کی خصوصی دعوت پر کیا گیا جو شعبہ ابلاغیات کے سربراہ سے ایک سرکردہ ماہر تعلیم ہیں۔ اس دورے نے نہ صرف دونوں ممالک کے ماہرین تعلیم کے درمیان نتیجہ خیز بات چیت کی سہولت فراہم کی بلکہ دونوں یونیورسٹیز کے درمیان جدید تعلیمی اور تحقیقی تعاون کے سلسلے کی بنیاد بھی رکھی۔اس دورے کے دوران ڈاکٹر زاہد یوسف نے پریذیڈنٹ یونیورسٹی آف پیسیفک کرسٹوفر کالان، نائب صدر میری لومیکس ایسوسی ایٹ پرووسٹ ڈیوڈ اوجیسینس، ڈین لی ،سکنر ڈائریکٹر انٹرنیشنل سکالرز اینڈ سروسزپیٹرک ،وولک ڈائریکٹر ایڈمیشنز سمیت اہم اسٹیک ہولڈرز کے ساتھ ملاقاتیں کیں۔ ان ملاقاتوں نے تعلیمی تعاون اور دو طرفہ تعلقات کو بڑھانے کے لیے مشترکہ وژن پر زور دیا۔پریذیڈنٹ کالہان کے ساتھ اپنی ملاقات کے دوران ڈاکٹر زاہد یوسف نے وائس چانسلر یونیورسٹی آف گجرات پروفیسر ڈاکٹر مشاہد انور کی طرف سے پریذیڈنٹ کرسٹوفر کالمان کو ایک خصوصی خط پیش کیا، جس میںتعلقات کو مضبوط بنانے اور باہمی تعلیمی ترقی کی راہیں تلاش کرنے کے عزم کا اعادہ کیا گیا۔