مری(بیورو رپورٹ)الخدمت فانڈیشن مری کے زیرِ اہتمام سواں ویلی ویلفیئر ہسپتال لکوٹ مری میں 2 روزہ فری آئی کیمپ کا انعقاد کیا گیا، کیمپ میں آغوش کالج مری کے طلبہ نے رضاکارانہ طور پر اپنی تنظیمی صلاحیتوں کے ذریعے مریضوں کے چیک اپ کئے اور انتظامات میں بھرپور کردار ادا کیا آغوشینز نے میڈیکل کیمپ میں رجسٹریشن کے عمل، بزرگ مریضوں کی مدد، آپریشن فارم بنوانے اور ڈاکٹر ز کے ساتھ معاونت کے فراض سرانجام دیے،میڈیکل کیمپ میں 400 مریضوں کا مفت معائنہ کیا گیا اور 60 کے قریب مریضوں کے آپریشن بھی کیے گئے،نگران الخدمت فاونڈیشن ضلع مری نے اس تعاون پر آغوش کالج مری کی انتظامیہ اور طلبہ کا خصوصی شکریہ ادا کیا اور اس کارِ خیر میں ان کی کوششوں کو سراہا کیمپ میں شامل طلبہ نے اپنی محنت اور جذبے سے مثالی خدمات پیش کیں۔