وزیرِ اعظم محمد شہباز شریف کا دورہءِ چین،وزیرِ اعظم محمد شہباز شریف آج چینی صدر عزت مآب شی جن پنگ کے آبائی شہر شی-آن (Xi'an) میں مصروف دن گزاریں گے. وزیرِاعظم یانگلنگ ایگری کلچرل ٹیکنالوجی ڈیمانسٹریشن بیس (Yangling Agricultural Technology Demonstration Base) کا دورہ کریں گے جہاں وزیرِاعظم اور پاکستانی وفد کو SCO ماڈرن ایگریکلچرل سینٹر کا دورہ کروایا جائے گا. وزیرِ اعظم اور پاکستانی وفد کو یانگلنگ میں جدید زراعت پر بریفنگ اور عملی مظاہرے کے ساتھ ساتھ زراعت کی جدید فیکٹری کا دورہ بھی کروایا جائے گا. وزیرِاعظم سے شانشی صوبے کے پارٹی سربراہ (سیکریٹری) جاؤ ایدا (Zhao Yide)  کی ملاقات ہوگی.وزیرِ اعظم محمد شہباز شریف پاکستانی وفد کے ہمراہ چین کے تاریخی ورثےٹیراکوٹا وارئیر میوزیم (Terracotta Warriors Museum) کا دورہ کریں گے جہاں انہیں تاریخی ورثہ جات کے تحفظ و بحالی اور سیاحت کے فروغ کے حوالے سے بریفنگ دی جائے گی.