ڈی آئی خان:سرچ آپریشن کیلئے جانیوالے پولیس قافلے پر حملہ ، 2اہلکار زخمی

ڈیرہ اسماعیل خان میں سرچ آپریشن کیلئے جانے والے پولیس قافلے پر حملے کے نتیجے میں کوئیک ری ایکشن فورس کا ڈرائیور اور کانسٹیبل زخمی ہوگئے۔پولیس کے مطابق ٹانک روڈ پر فارم ہائوس کے قریب نامعلوم افراد نے سڑک کنارے نصب آئی ای ڈی دھماکے کے بعد فائرنگ کی۔پولیس سکواڈ پر حملے کے بعد فائرنگ کا تبادلہ ہوا، جوابی فائرنگ کے بعد حملہ آور فرار ہوگئے، دھماکے اور فائرنگ سے ایک گاڑی کو نقصان پہنچا۔پولیس کے مطابق علاقے کو گھیرے میں لے کر سرچ آپریشن بھی کیا گیا ۔