سی ٹی ڈی کےپنجاب کے مختلف شہروں میں آپریشنز،15دہشتگرد گرفتار

دہشت گردی کے خدشات کے پیش نظر سی ٹی ڈی نے پنجاب کے مختلف شہروں میں انٹیلی جنس بیسڈ آپریشنز کرتے ہوئے 15 دہشتگردوں کو گرفتار کر لیا۔سی ٹی ڈی کی جانب پنجاب کے مختلف شہروں میں انٹیلی جنس بیسڈ آپریشن کئے گئے ،کارروائیاں لاہور،راولپنڈی، سرگودھا، گوجرانوالہ،ملتان،ٹوبہ ٹیک سنگھ، مظفرگڑھ، اٹک، میانوالی اور فیصل آبادمیں کی گئیں۔سی ٹی ڈی حکام نے کہا کہ میانوالی سے جنوبی وزیرستان سے تربیت یافتہ ٹی ٹی پی کے خطرناک دہشت گرد کو گرفتار کیا گیا ۔دہشت گردوں سے دھماکا خیزمواد،خودکش جیکٹ،موبائل فون اورنقدی برآمد ہوئی، دہشت گرد حساس مقامات پر حملے کی منصوبہ بندی کر رہے تھے۔