لاہور (سپورٹس رپورٹر) پنجاب کالج نے انٹرکالجیٹ باکسنگ چیمپئن شپ 2013ءکا ٹائٹل جیت کر اسلامیہ کالج سول لائنز کی 40 سالہ حکمرانی ختم کر دی۔ شاہ زیب کو چیمپیئن شپ کا بہترین باکسر قرار دیا گیا۔ پنجاب کالج کی ٹیم نے چیمپئن شپ میں 42 پوائٹنس کے ساتھ پہلی پوزیشن حاصل کی جس میں 7 گولڈ، 2 سلور اور ایک برانز میڈل شامل تھا۔ اسلامیہ کالج کی ٹیم 29 پوائنٹس کے ساتھ دوسرے نمبر پر رہی جس میں 2 گولڈ، 4 سلور اور پانچ برانز میڈل رہے۔ سائنس کالج وحدت روڈ 15 پوائنٹس کے ساتھ تیسرے نمبر پر رہا جس میں دو گولڈ اور پانچ برانز میڈل شامل تھے۔