گوجرانوالہ (نمائندہ خصوصی) دمے کے مرض میں مبتلا بڑے بھائی کی وفات پر صدمے سے نڈھال چھوٹا بھائی بھی دم توڑ گیا، دو سگے بھائیوں کو آہوں و سسکیوں میں سپرد خاک کر دیاگیا، بتایا گیا کہ برکت کالونی کا چھ بچوں کا باپ اکبر دمے کے عارضے میں مبتلا تھا کچھ عرصہ قبل روزگار کے سلسلہ میں اپنی فیملی کے ہمراہ کراچی منتقل ہو گیا تھا جہاں پر وہ حالت ناساز ہونے کے باعث گزشتہ روز وفات پا گیا جس کی اطلاع اہلخانہ کو ملی تو اکبر کا چھوٹا بھائی پانچ بچوں کا باپ انوار بھی اپنے بڑے بھائی کی جدائی کا صدمہ برداشت نہ کرتے ہوئے دم توڑ گیا، دو سگے بھائیوں کی وفات پر ہنستے بستے گھر میں قیامت برپا ہو گئی، تاہم دونوں بھائیوں کو آہوں و سسکیوں میں برکت کالونی قبرستان میں سپرد خاک کر دیا گیا اس موقع پر ہر آنکھ اشکبار تھی۔