جماعت نہم کی رولنمبر سلپس کی ترسیل مکمل

لاہور (سٹاف رپورٹر) اعلیٰ و ثانوی تعلیمی بورڈ لاہور کے زیرِ اہتمام سیکنڈری سکول امتحانات سالانہ 2019ء (جماعت نہم) کی رول نمبر سلپس کی ترسیل کا عمل مکمل کر لیا ہے۔ کنٹرولر امتحانات پروفیسر محمد ناصر جمیل کا کہنا ہے کہ جماعت نہم امتحان میں حصّہ لینے والے طالب علموں کی رول نمبر سلپس آن لائن کر دی گئی ہیں۔ رول نمبر سلپ نہ ملنے کی صورت میں بورڈ ویب سائٹ کے علاوہ کمرہ نمبر 301سے رجوع کریں ۔ جماعت نہم کا امتحان 18مارچ سے شروع ہو گا۔