روسی فضائی حدود میں داخلے کی امریکی جاسوس طیارے کی کوشش ناکام

ماسکو(آئی این پی/ شِنہوا)روسی جنگی طیاروں نے اپنی فضائی حدود میں امریکی جاسوس طیار ے کے داخلے کی کوشش ناکام بنادی۔روسی وزارت دفاع کے مطابق امریکی طیارے بحربالٹک میں روسی فضائی حدود کے قریب پہنچ گئے تھے کہ روسی ایس یو۔27جنگی طیارے ان کا سراغ لگاکر ان کے قریب پہنچ گئے۔انہوں نے محفوظ فاصلے پر پہنچ کر امریکی طیارے کوپہچان لیا اور وارننگ دی جس کے بعد امریکی آر سی ۔135 طیارہ واپس چلا گیا۔ اور روسی جنگی طیارے بھی باحفاظت اپنے اڈے پر پہنچ گئے۔