تہذیب کے دائرے میں رہتے ہوئے مارچ کرنا چاہئے: شرمیلا فاروقی

کراچی (سٹاف رپورٹر) پیپلزپارٹی کی رہنما شرمیلا فاروقی نے کہا ہے کہ خواتین مارچ سے متعلق اسلام آباد ہائیکورٹ کا فیصلہ واضح ہے، تہذیب کے دائرے میں رہتے ہوئے خواتین کو مارچ کرنا چاہئے۔نج شرمیلا فاروقی نے کہا خواتین کو کسی مقام پر آنے کے لیے بہت کوشش کرنی پڑتی ہے، عورت جدوجہد کے ذریعے ہی اس مقام تک پہنچی ہے۔ حکومت خواتین کے لیے پروگرام شروع کررہی ہے تو سراہتے ہیں۔ خواتین کو اپنے حقوق کے لیے جدوجہد کرنی چاہئے۔انہوں نے کہا سیاسی رابطوں کا سو فیصد فائدہ ایم کیو ایم پاکستان کو ہوگا، پیپلزپارٹی دور میں روٹی کھانے کو ملتی تھی، اب تو سبزی بھی نہیں مل رہی ہے۔شرمیلا فاروقی کا کہنا تھا کہ ن لیگ ایم کیو ایم کو اپنے قریب کرنے کی کوشش کررہی ہے، بلدیاتی الیکشن قریب ہیں سیاست میں جوڑ توڑ چلتا رہتا ہے، ایم کیو ایم کے پاس ہمیشہ سے اتنی سیٹیں ہوتی ہیں وہ بارگین کرلیتے ہیں۔انہوں نے مزید کہا کہ بلدیاتی انتخابات میں زیادہ نشستوں کے لیے مسلم لیگ ن اور ایم کیو ایم کے درمیان جوڑ توڑ چل رہا ہے۔