گوجرانوالہ‘ لدھیوالا (نمائندہ خصوصی + نمائندہ نوائے وقت) پولیس وردی میں ملبوس شہریوں کو لوٹنے والی خاتون ساتھی سمیت گرفتار۔ ملزمان سے پولیس وردیاں بھی برآمد کر لی گئیں۔ گروہ کو تھانہ اروپ پولیس نے گرفتار کیا۔ شازیہ اوراس کے ساتھی امجد بارے ایس ایچ او فرحت نواز چٹھہ کا کہنا ہے کہ ملزمان پولیس کی وردی پہن کر مختلف مقامات پر ناکے لگا کر شہریوں کو لوٹتے تھے۔ مقدمہ درج کر کے تفتیش کا آغاز کر دیا ہے۔