بارش کے باعث ملتان سلطانزاوراسلام آباد یونائیٹڈ کے درمیان میچ تاخیرکاشکار

راولپنڈی: راولپنڈی میں بارش کے باعث ملتان سلطانز اور اسلام آبادیونائیٹڈ کے درمیان میچ تاخیر کاشکار ہو گیاہے ۔
پی ایس ایل کے  22 ویں  میچ میں آج اسلام آباد اور ملتان کے درمیان مقابلہ ہے تاہم   بارش کے باعث راولپنڈی  اسٹیڈیم گیلا ہونے کے نتیجے میں ٹاس تاخیر کا شکار ہو گیاہے ۔3 بجے گراؤنڈ کا دوبارہ جائزہ لیا  جائے گا ۔
ملتان سلطانز چار پوائنٹس کے ساتھ پوائنٹس ٹیبل میں سرفہرست ہیں اور اب تک چھ کھیلوں میں صرف ایک ہی  میں شکست سے دوچار ہوئے ہیں ۔ پلے آف میں ملتان سلطانز ممکنہ طور پر  ٹاپ ٹو میں شامل ہوچکے ہیں  جبکہ یونائیٹڈنے آٹھ میچز  میں سے صرف تین میں فتح حاصل کی ہے جس کے بعدپلے آف کیلئے  اسلام آباد کو اپنے باقی دو میچز جیتا لازمی  ہیں۔
ملتان سلطانز کے سکواڈ میں شان مسعود، موئن علی ، علی شفیق ، بلاول بھٹی ، روی بوپارہ ، عمران طاہر ، جنید خان ، خوشدل شاہ ، وین ، محمد الیاس ، محمد عرفان ، روحیل نذیر ، روسووو، شاہد آفریدی ، سہیل تنویر ، عثمان قادر ، جیمز وینس ، زیشان اشرف شامل ہیں ۔
اسلام آباد یونائیٹڈ کے سکواڈ میں شاداب خان ، احمد سیفی عبداللہ، عاقف جاوید ، عماد بٹ ، آصف علی ، فہیم اشرف، حسین طلعت ، کولن انگرام ، ڈیویڈ میلان ، محمد موسیٰ ، کونل منرو، رضوان حسین ، لوک رونچی ، رومان رئیس ، سیف بدر ، فل سالٹ ، ڈیل سٹین ، اور ظفر گوہر شامل ہیں ۔
پی ایس ایل 5 پوائنٹس ٹیبل پر ملتان سلطانز سرفہرست ہے جبکہ پشاور زلمی دوسرے نمبر پر پہنچ گئی ہے ۔ اسلام آباد یونائیٹڈ کو تیسرا ، کراچی کنگز کا چوتھا اور کوئٹہ گلیڈی ایٹرز کا پانچواں نمبر ہے۔ لاہور قلندرز فہرست میں آخری نمبر پر موجود ہے۔
یاد رہے کہ پہلی مرتبہ پاکستان سپر لیگ کے تمام میچز پاکستان میں کھیلے جارہے ہیں ۔ پی ایس ایل ایونٹ میں کل 34 میچز 32 روزمیں کھیلے جائیں گے۔ جن میں سے 14 میچز لاہور میں ،9 کراچی ،8 راولپنڈی جبکہ 3 ملتان میں ہوں گے۔ پاکستان سپر لیگ کا فائنل 22 مارچ کو قذافی اسٹیڈیم لاہور میں کھیلا جائے گا ۔