شیخوپورہ: کھیتوں سے پتنگ پکڑنے پر نوجوان کوبااثرافراد نے تشددکرکے مارڈالا

شیخوپورہ+ جوئیانوالہ (نمائندہ نوائے وقت+ نامہ نگار) شیخوپورہ کے علاقے خانپور میں کھیتوں سے پتنگ پکڑنا غریب محنت کش کا جرم بن گیا با اثر زمیندار کے بیٹوں نے ڈنڈوں سے تشدد کر کے نوجوان کو قتل کر دیا۔ تھانہ فیکٹری ایریا کے علاقے خان پور میں کٹی پتنگ پکڑنے کیلئے نوجوان کھیتوں میں چلا گیا تو با اثر زمیندار کے دو بیٹوں نے فصل خراب کرنے کا الزام لگا کر نوجوان پر ڈنڈوں سے حملہ کردیا سر پر چوٹیں آنے سے محنت کش نوجوان موقع پر جاں بحق ہوگیا جس کی شناخت پرویز کے نام سے ہوئی ہے جبکہ دونوں ملزمان موقع سے فرار ہوگئے تھانہ فیکٹری ایریا پولیس نے مقدمہ درج کر کے ملزمان کی تلاش شروع کر دی ہے جبکہ واقعے پر آئی جی پنجاب نے نوٹس لے کر آر پی او شیخوپورہ سے واقعے کی رپورٹ طلب کرلی ہے۔