لاہور( خصوصی نامہ نگار  ) پی ایچ اے کا جیلانی پارک میں جشن بہاراں کی مناسبت سے مختلف رنگ رنگ برڈ شو کا انعقاد کیا گیا جبکہ برڈ شو شہریوں کی توجہ کا مرکز بنا رہا، شہریوں کی کثیر تعداد نے خوبصورت پرندوں کا دیدار کیا اور تصاویر بھی بنوائی۔نیلے پیلے اور مختلف رنگوں کے پرندے جشن بہاراں کی مناسبت سے سجے برڈ شو کی زینت بنے رہے، جہاں زندہ دلان لاہور کی کثیر تعداد اْمڈ آئی، بچے اور بڑے سبھی پرندوں کے دلدادہ نکلے، من پسند پرندوں کے ساتھ سیلفیاں بنوائیں۔برڈ شو میں پالتو کبوتر، گولڈ پیٹرج، براہما مرغے مرغیاں، اصیل مرغے، خرگوش، مختلف اقسام کے رنگ برنگے طوطے، پاکستانی فالکنز، سانپ اور دیگر پرندوں شہریوں کی توجہ کا مرکز بنے رہے۔اس موقع پر چیئرمین پی ایچ اے انجینئر یاسرگیلانی، وائس چیئرمین پی ایچ اے حافظ ذیشان رشید،ڈی جی پی ایچ اے جواد احمد قریشی نے برڈ شو کا دورہ کیا۔چیئرمین پی ایچ اے انجینئر یاسر گیلانی نے کہا کہ نیلے پیلے اور مختلف رنگوں کے  دلکش پرندے اللہ تعالیٰ کی قدرت کا بہترین شاہکار ہیں۔وائس چیئرمین پی ایچ اے حافظ ذیشان رشید نے کہا کہ جشن بہاراں میلہ کے برڈ شو میں زندہ دلان لاہور کی کثیر تعدادمیں شرکت خوش آئند ہے۔ڈی جی پی ایچ اے جواد احمد قریشی نے کہا کہ شہریوں کے چہروں پر مسکراہٹ اور ملکی ثقافت کے رنگ بکھیرتابرڈ شو پی ایچ اے کا تحفہ ہے۔