لاہور (این این آئی) پشاور زلمی کے چیئرمین جاوید آفریدی کی جانب سے ڈیرن سیمی ، ہاشم آملہ کے اعزاز میں عشائیہ دیا گیا ۔ جاری اعلامیہ کے مطابق ڈیرن سیمی نے تکے اور کباب بناکر باربی کیو پارٹی کو یادگار بنایا ، پشاورزلمی کے کوچ ڈیرن سیمی ، مینٹور ہاشم آملہ کپتان وہاب ریاض کامران اکمل شریک ہوئے ، مہمانوں کی دم پخت، افغانی بوٹی ، تکوں اور کباب سے تواضع کی گئی ،ڈیرن سیمی ، ہاشم آملہ اور کھلاڑیوں کو روایتی کلہ بھی پیش کیا گیا ، پی ایس ایل ملتوی ہونے کے بعد ڈیرن سیمی اور ہاشم آملہ نجی مصروفیات کیلئے پاکستان میں موجود تھے ۔