فیروزوالہ(نامہ نگار) تھانہ فیکٹری ایریا کے علاقہ خانپور میں کھیت میں پیشاب کرنے سے منع کرنے پر جھگڑا دو سگے بھائیوں نے اپنے باپ اور ساتھی کی مدد سے لاٹھیوں کے پے در پے وار کرکے نوجوان محمد پرویز کو ہلاک کر دیا ۔ملزمان فرار ہو گئے۔ کوٹ عبدالمالک سکیم نمبر2کا رہائشی 25سالہ نوجوان محمد پرویز کباڑیے کا کام کرتا ہے جو ساتھیوں کے ہمراہ خانپور نہر پر جماعت میلہ دیکھنے کیلئے گیا۔ اس دوران پرویز قریبی کھیت میں داخل ہو کر پیشاب کر رہا تھا کہ اس دوران کھیت کے مالک نوجوان دو سگے بھائیوں زوہیب اور سہیل نے والد اور ساتھی کی مدد سے نوجوان پرویز کو پکڑ کر لاٹھیوں کے وارکرکے ہلاک کر دیا۔ ملزمان فرار ہو گئے۔ فیکٹری ایریا پولیس نے مقتول کے بھائی محمد اسلم کی رپورٹ پر ملزموں کیخلاف قتل کے الزام میں مقدمہ درج کر لیا۔ ایک اطلاع کے مطابق مقتول قریبی کھیت میں کٹی ہوئی پتنگ پکڑنے کیلئے داخل ہوا جس پر کھیت کے مالک نے فصل خراب کرنے کے بہانے تشدد کا نشانہ بنا کر ہلاک کر دیا مگر پولیس نے واقعہ کے بارے میں لا علمی کا اظہار کر رہی ہے۔