کوئٹہ(نوائے وقت رپورٹ) صوبہ بلوچستان کے ساحلی ضلع گوادر میں گنز کے علاقے میں پاک بحریہ کی گاڑی پر فائرنگ سے دو نیوی اہلکار شہید اور ایک زخمی ہوگیا۔ہفتے کو ہونے والے اس حملے سے متعلق سرکاری ذرائع کا کہنا تھا کہ پاک بحریہ کی گاڑی جوانی سے گنز کی طرف جا رہی تھی کہ جب نامعلوم حملہ آوروں نے خودکار ہتھیاروں سے اس پر فائرنگ شروع کردی۔ایک سکیورٹی عہدیدار کا کہنا ہے کہ فائرنگ سے پاک بحریہ کا ایک سیلر (ملاح) اور ایک باربر (حجام) شہید ہوگئے جبکہ ایک اور نیوی اہلکار زخمی ہوگیا۔شہید ہونے والوں کی شناخت سہیل اور نعمان جبکہ زخمی فرد کی شناخت رضا کے نام سے ہوئی۔