لیونگ لیجنڈ اداکارہ بشری انصاری نے اپنی بچپن کی سہیلیوں کے ساتھ تصاویر سوشل میڈیا پر شیئر کردیں۔ بشری انصاری نے سوشل میڈیا سائٹ انسٹاگرام پر ساتھی اداکاراں کے ساتھ ماضی کی تصاویر شیئر کرتے ہوئے انہیں بچپن کی سہیلیاں قرار دیا۔
View this post on Instagram
بشری انصاری کی جانب سے جاری ایک پوسٹ میں بدر خلیل اور روبینہ اشرف کے ہمراہ تصویر شیئر کرتے ہوئے انہیں بہترین احباب قرار دیاگیا۔ایک اور پوسٹ میں اداکارہ نے صبا حمید اور عتیقہ اوڈھو کے ہمراہ تصویر شیئر کی۔ واضح رہے کہ پاکستان کی معروف اداکارہ بشری انصاری 1978سے شوبز انڈسٹری کا حصہ ہیں اور طویل عرصے سے انڈسٹری پر راج کررہی ہیں۔بشری انصاری کی بیش بہا خدمات پر رواں سال یوم آزادی کے موقع پر انہیں حکومتِ پاکستان نے ستارہ امتیاز کیلئے نامزد بھی کیا ہے۔
