للیانی میں باراتیوں نے نوٹوں کیساتھ گھڑیاں‘ موبائل نچھاور کر دیئے

مصطفیٰ آباد/ للیانی (نامہ نگار) مصطفیٰ آباد کے نواحی گاؤں بھلو میں شادی کی انوکھی تقریب ہوئی۔ باراتیوں میں نوٹوں کے ساتھ ساتھ گھڑیاں اور موبائل بھی نچھاور کئے گئے۔ مصطفیٰ آباد کے نواحی گائوں بھلو میں عبدالقادر کے بیٹے محمد سنیل کی بارات مصطفیٰ آباد کے نواحی گاؤں بھلو سے پرانا کاہنہ گئی، جہاں پر دولہا کے بھائیوں اور دوستوں نے باراتیوں پر کئی نوٹوں گڈیوں کے ساتھ ساتھ لاکھوں روپے مالیت کی گھڑیاں اور موبائل فونز نچھاور کئے۔