سادھوکے: موٹرسائیکل کھڈے میں لگنے سے ماں بیٹا ٹرک کے نیچے آکر جاں بحق

سادھوکے (نامہ نگار) موٹر سائیکل کھڈے میں لگنے کے باعث ماں بیٹا ٹرک کے نیچے آکر جاں بحق ہوگئے۔ تفصیلات کے مطابق جی ٹی روڈ پر موضع چک ہندہ کے سامنے مشہور ہوٹل کے قریب سڑک میں بنے ہوئے کھڈوں میں گوجرانوالہ پٹھان کالونی کے رانا سمیر کا موٹر سائیکل لگنے کے باعث اس کے پیچھے بیٹھی ہوئی ہمشیرہ 26 سالہ ساجدہ بی بی زوجہ تنویر احمد اور بھانجا 3 سالہ سبحان علی نیچے گر پڑے اور عقب سے آنیوالے تیز رفتار ٹرک نے انہیں بری طرح روند ڈالا، حادثہ کے نتیجہ میں دونوں ماں بیٹا شدید زخموں کی تاب نہ لاتے ہوئے موقع پر ہی جاں بحق ہوگئے، صدر پولیس نے ٹرک اور اس کے ڈرائیور کو حراست میں لے لیا۔