اللہ کی خوشنودی کیلئے آپ ؐ کی ا طاعت ضروری ہے:مولانا زبیر احمد

کھاریا نوالہ(نمائندہ خصوصی)جمیعت علما اسلام کے ا نفرمیشن سیکرٹری مولانا زبیر احمد گادی اور سینئر رہنما مولانا امتیاز احمد کشمیری نے کہا ہے کہ بندہ مومن کا دل اللہ تعالیٰ کی یاد سے سرشار اور عشق رسول ؐ کا گہوارہ ہونا چاہئے، تعلیمات قرآن و حدیث کو مشعل راہ بنائے بغیر دنیا و آخرت کی بھلائیاں و کامرانیاں حاصل نہیں ہوسکتیں، اسلاف نے ہمیں اللہ تعالیٰ کی خوشنودی کے حصول کیلئے نبی کریم ؐ کی سیرت طیبہ و تعلیمات پر عمل پیرا ہونے کا درس دیا جو رہتی دنیا کے انسانوں کیلئے نمونہ حیات ہے، ان خیالات کا اظہار انہوں نے دینی اجتماع سے خطاب کرتے کیا،انہوں نے کہا کہ مسلمانوں کو نبی رحمت ؐ کی ا طاعت و فرمانبردای کا مظاہرہ کرناچاہئے تاکہ اللہ تعالیٰ کی خوشنودی حاصل کرسکیں۔