لاہور ( سپیشل رپورٹر) الحمراء میں سرائیکی ثقافت کا دن نہایت پروقار انداز میں منایا گیا۔ پروگرام میں سرائیکی گائیکی کا شاندار مظاہرہ کیا گیا۔ محکمہ اطلاعات وثقافت پنجاب سرائیکی بھائیوں کو مبارکباد پیش کرتا ہے۔ سرائیکی ثقافتی فنکاروں کی خدمات کو سراہتے ہیں۔ پروگرام میں محمد وقاص،تحسین ساجد،شازیہ،عبدالروف،ثمن شیخ ودیگر گلوکاروں کی دل پذیر پرفارمنس کا مظاہر ہ کیا۔ ذوالفقارعلی زلفی نے اپنے سرائیکی بھائیوں کیلئے نیک تمناؤ ں کا اظہار کیا۔ سرائیکی کلچر ڈے منانے کا مقصد محبت، یگانگت اور بھائی چارہ عام کرنا ہے۔ زندہ دلان لاہورسے بھرے ہال کی سرائیکی ثقافت میں گہری دلچسپی لی۔الحمراء اپنے ہر روز کے لگاتار پروگراموں میں نئی سے نئی تاریخ رقم کر رہا ہے۔