زی انٹر نیشنل اسکول کے تحت سالانہ اسپورٹس کارنیول 2022 کا افتتاح

کراچی (اسپورٹس رپورٹر)زی انٹر نیشنل اسکول کے تحت سالانہ اسپورٹس کارنیول 2022  کا افتتاح ہو گیا ۔ افتتاحی تقریب کا انعقاد نیشنل کوچنگ سینٹر کراچی میں کیا گیا جس کے مہمان خصوصی برٹش ڈپٹی ہیڈ آف مشن مارٹن ڈاؤسن تھے، اس موقع پر مارٹن ڈاؤسن نے کہا کہ یہ دیکھ کر بہت خوشی ہوئی کہ زی اسکول کے تمام بچے کھیلوں کی سرگرمیوں میں بڑھ چڑھ کر حصہ لے رہے ہیں۔ زی انٹر نیشنل اسکول کے روح رواں ذیشان لوہیا نے کہا کہ اسکول کا اسپورٹس کارنیول ہے یہ بچوں کی حوصلہ افزائی کرتا ہے کہ وہ کس طرح کھیلوں کی سرگرمیوں میں شامل ہوں اور یہ کس طرح آگے بڑھ سکیں۔ تقریب کا آغاز پاکستان کے قومی ترانے سے کیا گیا، بچوں نے شاندار پریڈ کا مظاہرہ کیا اور مہمان خصوصی کو سلامی پیش کی، برٹش ڈپٹی ہیڈ آف مشن مارٹن ڈاؤسن نے کھیلوں کے مقابلوں میں حصہ لینے والے بچوں کی حوصلہ افزائی کی اور ان کی کاوشوں کو سراہا، اس سے قبل اسکول کے بچوں نے مہمان خصوصی کو گلدستہ بھی پیش کیا۔