راولپنڈی (اپنے سٹاف رپورٹر سے) ممتاز مسلم لیگی رہنماء سید کبیر علی واسطی نے کہا ہے کہ بلاول بھٹو زرداری کا لانگ مارچ کامیاب ہورہا ہے جس کا پاکستان پیپلز پارٹی کو بہت زیادہ سیاسی فائدہ ہوگالانگ مارچ سے آصف علی زرداری اوربلاول بھٹو زرداری کی بہت محنت شامل ہے لانگ مارچ کرکے پیپلز پارٹی کو عوام میں دوبارہ زندہ کردیا گیا ہے یہ بہت بڑا سیاسی کارنامہ رونما ہے اپنے بیان میں انہوں نے کہا کہ سیاسی یکجہتی وقت کی اہم ضرورت ہے چوہدری شجاعت حسین اور چوہدری پرویز الہیٰ جہاندیدہ اور بڑے سیاستدان ہیں جن کی سیاسی بصیرت آصف علی زرداری بہت بہتر جانتے اور سمجھتے ہیں مجھے یقین ہے کہ اگلے چند روز میں نئے نئے سیاسی زاویے قوم کے سامنے آئیں گے جن سے ملکی سیاست میں ہلچل ہوگی سیاست میں ڈائیلاگ سب سے اہم چیز ہے ڈائلاگ جاری رہنے سے سارے سیاسی جماعتیں آج ایک پلیٹ فارم پر سامنے آئی ہیں ۔