آج خواتین کاعالمی دن:مقبوضہ کشمیرمیں عورتوں پربھارتی مظالم کاسلسلہ بدستورجاری ہے

آج دنیا بھر میں خواتین کا عالمی دن منایا جارہا ہے تاہم بھارت کے غیر قانونی زیر قبضہ جموں وکشمیرمیں بھارتی فوجیوں اورپولیس اہلکاروں کے ہاتھوں کشمیر ی خواتین پرڈھائے جانیوالے مظالم اور انہیں درپیش مشکلات کا سلسلہ بدستور مسلسل جاری ہے ۔یہ بات کشمیر میڈیا سروس کے شعبہ تحقیق کی طرف سے آج خواتین کے عالمی دن کے موقع پر جاری کی گئی ایک رپورٹ میں کہی گئی، رپورٹ میں کہا گیا ہے کہ مقبوضہ کشمیر میں جنوری 1989 سے اب تک بھارتی فوجیوں نے ہزاروں خواتین سمیت 95ہزار981شہریوں کو شہید کیا ۔رپورٹ میں کہا گیا ہے کہ ہزاروں خواتین اپنے بیٹوں، شوہروں اور بھائیوں کو کھو بیٹھی ہیں جنہیں فوجیوں نے حراست کے دوران غائب کردیا ہے۔