بہار ،ہندوتوا بلوائیوں کے مسلمانوںکے گھروں اور مساجد  پر حملے کے بعد 49افراد گرفتار 

نئی دلی ( این این آئی )بھارتی ریاست بہار میں پولیس نے سیتامڑھی ضلع میں مشتعل ہندوتوا بلوائیوں کی طرف سے مسلمانوں کے متعدد گھروں اور مساجد پر حملے کے بعد 49افراد کو گرفتار کرلیاہے۔کشمیرمیڈیاسروس کے مطابق پریہار پولیس اسٹیشن کے اہلکاروں نے حالات کو کنٹرول کرنے کی کوشش کی تو بلوائیوں نے اس پر بھی حملہ کردیا جس سے ڈپٹی سپرنٹنڈنٹ آف پولیس سبودھ کمار اور اسسٹنٹ سب انسپکٹر دیاشنکر زخمی ہوئیگ۔پولیس اہلکاروںکو دیگر زخمیوں کے ساتھ مقامی ہسپتال منتقل کردیاگیا ہے ۔ہندوتوابلوائیوں کے حملے کے بعد پولیس اہلکاروں اور ضلع مجسٹریٹ کو تشدد کو روکنے کیلئے علاقے میں تعینات کیاگیا ہے ۔ پولیس نے جائے وقوعہ سے جمع کیے گئے ویڈیو شواہد کی بنیاد پر 49افراد کو گرفتار کیا ہے۔ صورتحال اب کنٹرول میں ہے۔پولیس نے عوام سے مزید اپیل کی کہ وہ جھوٹی خبروں اور ویڈیوز کو شیئر کرنے سے گریز کریں۔ ہندوتوا بلوائیوں کے حملے میں ابھی تک کسی جانی نقصان کی اطلاع نہیں ہے۔