لاہور(سپورٹس رپورٹر)پاکستان سکواش کے لیجنڈ جہانگیر خان نے کہا ہے کہ سکواش میں نئے ٹیلنٹ کی تلاش اور بین الاقوامی مقابلوں کیلئے کھلاڑیوں کو تیار کرنے میں سپانسرز کی سرپرستی نہایت اہمیت کی حامل ہے۔ سکواش سمیت کسی بھی کھیل کو فروغ دینے اور تسلسل کیساتھ ایونٹس کے انعقاد میں سپانسر شپ کا کردار بنیادی ہوتا ہے کیونکہ اس سے مختلف ٹورنامنٹس کے انعقاد میں مدد ملتی ہے۔عالمی معیار کے کھلاڑی اسی وقت تیار ہو سکتے ہیں جب کھلاڑی اپنے کھیل پر توجہ دیں اور ٹیلنٹ اور میرٹ کو شیئر کرکے اسے بلندی پرلے جائیں۔ نوجوان کھلاڑیوں کو کم عمری سے ہی جدید تربیت فراہم کرنا کھیل کی ضرورت ہے۔