لاہور (سپورٹس رپورٹر) ملتان سلطانز کے بیٹر شان مسعود نے کہا ہے کہ وہ بابر اعظم کیلئے جان دینے کو بھی تیار ہیں۔پوری ٹیم بابر اعظم کے پیچھے کھڑی ہے اور انہیں ہر ممکن طور پر مدد کرنا چاہتی ہے، ہم ان کیلئے جان دینے کو بھی تیار ہیں۔ جب سرفراز احمد کپتان تھے تو ہم اپنی جان دینے کو تیار تھے اور اب بابر اعظم کیلئے بھی ہمارا یہی جذبہ ہے، انہوں نے بابر اعظم کی قائدانہ صلاحیتوں کو سراہتے ہوئے کہا کہ وہ غیرمعمولی کپتان ہیں اور ٹیم کی سپورٹ کے حقدار بھی ہیں۔بطور ٹیم ہمارا مقصد ملک کیلئے کھیلنا اور اپنی بہترین صلاحیتیں پیش کر کے بہترین مقاصد پانا ہے۔شاہین آفریدی بھی دنیا کے بہترین باؤلرز میں شامل ہیں، وہ سردست دنیا کے نمبرون باؤلر ہیں۔