خواتین کے 3نمائشی میچز کا پہلا مقابلہ آج راولپنڈی میں ہوگا

لاہور(سپورٹس رپورٹر)پاکستان سپر لیگ کے دوران خواتین کے تین میچز کا سلسلہ آج سے شروع ہوگا۔ بسمہ معروف ایمیزون جبکہ ندا ڈارسپر ویمن کی کپتانی کریں گی۔آئرلینڈ کی کپتان لورا ڈیلنی، انگلینڈ کی تینوں سٹارز ڈینی وائٹ، مایا باؤچیئر اور ٹامی بیومونٹ اور آسٹریلیا کی ٹیس فلنٹوف ایمیزون میں بین الاقوامی سٹارز ہیں، جبکہ سپر ویمن سکواڈ میں غیر ملکی کھلاڑی سری لنکا کی کپتان چماری اتھاپاتھو، لارین ون فیلڈ-ہِل آف ہیں۔ انگلینڈ، بنگلہ دیش کی جہانارا عالم، جنوبی افریقہ کی لورا وولوارڈٹ اور نیوزی لینڈ کی لیا تاہوہو ہوں گی ۔ایمیزون کی کپتان بسمہ معروف نے کہا کہ آنے والے میچوںکیلئے بہت پرجوش ہوں کیونکہ یہ ہمیں مردوں کے کرکٹرز کے تجربے سے لطف اندوز ہونے کا ایک منفرد اور نادر موقع فراہم کریں گے۔ ہم ایک ہی ڈریسنگ روم کا اشتراک کریں گے، اچھے ہجوم کے سامنے کھیلیں گے اور نئے اور روایتی میڈیا کے ذریعے مساوی نگاہیں کمائیں گے۔غیر ملکی کرکٹرز کی موجودگی خاص طور پر ہمارے نوجوان اور آنے والے کرکٹرز کو ان کے تجربات اور علم سے سیکھنے کا موقع فراہم کرے گی اور انہیں اپنے طرز زندگی، روزانہ کی ورزش اور میچ کی تیاریوں میں شامل کریں گے تاکہ وہ بہتر کرکٹر بن سکیں۔سپر ویمن کی کپتان ندا ڈارنے کہا کہ میں بہت زیادہ خوش ہوں اور میدان میں اترنے کا انتظار نہیں کر سکتی۔
 میرے خیال میں یہ تینوں نمائشی کھیل پاکستان کی خواتین کرکٹ کے مستقبل کا تعین کر سکتے ہیں۔ پی سی بی نے ان میچوں کو ترتیب دے کر اپنا حصہ ڈالا ہے اور اب یہ ذمہ داری کھلاڑیوں پر ہے کہ وہ اس موقع کا زیادہ سے زیادہ استعمال کریں اور دنیا کو دکھائیں کہ ہم کس قابل ہیں۔میں اسے والدین کیلئے اپنے بچوں کو لانے اور انہیں کرکٹ سے پیار کرنے کا ایک بہترین موقع سمجھتی ہوں۔ آپ کو اکثر خواتین اور مردوں کو ایک ہی دن ایک ہی مقام پر مسابقتی میچ کھیلتے ہوئے دیکھنے کا موقع نہیں ملتا ہے۔ یہ ایک نادر موقع ہے اور اس سے محروم نہیں ہونا چاہیے۔میں تمام غیر ملکی کھلاڑیوں کو تین میچوں کیلئے خوش آمدید کہتی ہوں اور مجھے یقین ہے کہ ہم ان کے تجربے سے جتنا سیکھیں گے، وہ بھی ہم سے سیکھیں گے اور جلد ہی اپنی قومی ٹیم کے ساتھ واپس آئیں گے۔آج میچ سہ پہر 2 بجے کھیلا جائیگا۔