کراچی‘ 11 یونین کونسلوں پر بلدیاتی الیکشن کرانے کیلئے درخواست دائر

کراچی (اسٹاف رپورٹر) جماعت اسلامی نے کراچی کی 11 یونین کونسلوں پر بلدیاتی انتخاب کرانے کے لیے سندھ ہائیکورٹ میں درخواست دائر کردی۔درخواست میں موقف اپنایا گیا ہے کہ الیکشن کمیشن نے 11 یوسیز پر امیدواروں کے انتقال کے باعث الیکشن ملتوی کردیے تھے۔درخواست گزار کا کہنا ہے کہ الیکشن کمیشن کو 11 یوسیز پر جلد بلدیاتی انتخابات کرانے کا حکم دیا جائے۔عدالت سے استدعا کی گئی ہے کہ الیکشن میں تاخیر کو غیرقانونی اور شہریوں کو بنیادی حقوق سے محروم رکھنے کی کوشش قرار دیا جائے۔سندھ ہائیکورٹ میں دائر درخواست میں الیکشن کمیشن اور صوبائی حکومت کو فریق بنایا گیا ہے۔