لاہور(سپورٹس رپورٹر) لاہور جم خانہ گالف کورس میں اختتام پذیر ہونے والے تیسرے غزالہ انصاری جلکے گالف چیلنج کپ پارکھا اعجاز نے جیت لیا۔ تقریب تقسیم انعامات میں لاہور جم خانہ کے چیئرمین فنانس سرمد ندیم نے بطور مہمان خصوصی شرکت کی۔ رضا سعید‘ ڈاکٹر عاصمہ افضل شامی، عائشہ حامد، مسز بیلہ اعظم، چیف ریفری منازہ شاہین و دیگر بھی موجود تھے۔ اور ان کے خاندان۔پارکھا اعجاز نے WAGR اوپن کیٹیگری اے میں حریفوں کو 234 کے مجموعی سکور کیساتھ پیچھے چھوڑ کر ٹرافی اپنے نام کی۔ ہمنا امجد 243 کے مجموعی سکور کیساتھ دوسرے ‘ ڈاکٹر عانیہ فاروق 251 کے سکور کیساتھ تیسرے نمبر پر رہیں۔نیٹ کیٹیگری میں بشریٰ فاطمہ نے 152 کے متاثر کن نیٹ سکور کیساتھ کامیابی حاصل کی۔ آمنہ امجد اور اینا جیمز گل نے بالترتیب دوسری اور تیسری پوزیشن حاصل کی۔