مسافروں کو اسلام آباد پہنچانے کیلئے  پی آئی اے کامتبادل طیارہ مسقط پہنچ گیا

راولپنڈی(سٹاف رپورٹر)مدینہ اسلام آباد کی پرواز پی کے 714 میں فنی خرابی کے باعث مسقط ایئرپورٹ پر لینڈکرا لی گئی ،پی آئی اے کا322 مسافروں کو اسلام آباد پہنچانے کیلئے متبادل طیارہ مسقط پہنچ گیا،اومان میں موجود بوئنگ 777 کی فنی خرابی دور نہیں کی جاسکی۔ فضائی حفاظت کے مروجہ اصولوں کے مطابق ایسی صورتحال میں نزدیک ترین ہوائی اڈے پر جہاز کا رخ موڑا جاتا ہے جو اس صورتحال میں مسقط تھا ترجمان پی آئی اے کے مطابق پی آئی اے کے بوئنگ 777 طیارے کو بحال کرنے کیلئے انجینیئرز مصروف ہیں۔ پی آئی اے انجینیئرز خصوصی پرواز میں گزشتہ رات کراچی سے مسقط پہنچے۔ مسافروں کو اسلام آباد لانے کیلئے متبادل طیارہ کراچی سے مسقط روانہ ہوا تھا متبادل طیارہ مسافروں کو لے کر وطن واپس روانہ ہونے والا ہے ۔