ویسٹ انڈیز میں جاری ٹورنامنٹ کے گروپ ای کی دونوں ٹیموں کو ٹورنامنٹ میں رہنے کے لئے یہ میچ ہر صورت جیتنا ہو گا۔ سپرایٹ مرحلے کے ابتدائی میچز میں پاکستان کی ٹیم انگلینڈ جبکہ نیوزی لینڈ کی ٹیم جنوبی افریقہ سے شکست کھا چکی ہیں۔ پاکستانی وقت کے مطابق یہ میچ شام ساڑھے چھ بجے شروع ہوگا۔ ذرائع کے مطابق پاکستانی ٹیم انتظامیہ نے فاسٹ باؤلر محمد آصف کی جگہ محمد سمیع کو چانس دینے کا فیصلہ کیا ہے۔ دوسری جانب گروپ ای کے دوسرے میں آج انگلینڈ کا مقابلہ جنوبی افریقہ سے ہوگا، یہ میچ پاکستانی وقت کے مطابق رات ساڑھے دس بجے شروع ہوگا، اس میچ کی فاتح ٹیم کے سیمی فائنل میں پہنچنے کے امکانات بھی روشن ہوجائیں گے۔