لاہور(آئی این پی)سابق چیف سلیکٹر وسیم باری نے کہا ہے کہ قومی کرکٹ ٹیم میں تجربہ کار کھلاڑیوں کی کمی کی وجہ سے آئرلینڈ اور انگلینڈ کا دورہ آسان ثابت نہیں ہوگا ۔میڈیا سے گفتگو کرتے ہوئے قومی ٹیم کے سابق وکٹ کیپر بلے باز وسیم باری کا کہنا تھا کہ نوجوان کھلاڑیوں کیلئے انگلش کنڈیشنز بہت مشکل ثابت ہوں گی اور انہیں وکٹ پر بہت سنبھل کر کھیلنا ہو گا۔ان کا کہنا تھا کہ انگلینڈ کا دورہ بہت مختصر ہے ،دونوں ٹیموں کے مابین تین ٹیسٹ میچز ہونے چاہئے تھے جب کہ پی سی بی کو پانچ ون ڈے میچوں کی سیریز کیلئے بھی کوشش کرنا چاہئے تھی۔