65 سالہ پروڈیوسر ہاروی وائنسٹن نے مجھے بھی جنسی طور پر ہراساں کیا‘اداکارہ کیٹ بلینشٹ

نیویارک (این این آئی)سنڈریلا، رابن ہڈ، دی ہوبٹ، گرل رائیزنگ، مینیفیسٹو، تھور ریگنوریک، دی لارڈ آف رنگز، ایلزبیتھ اور دی مسنگ‘ سمیت 70 سے زائد فلموں میں جلوہ گر ہونے والی ہولی وڈ اداکارہ کیٹ بلینشٹ نے انکشاف کیا ہے کہ وہ بھی جنسی طور پر ہراساں ہو چکی ہیں۔48 سالہ کیٹ بلینشٹ نے ایک انٹرویو کے دوران انکشاف کیا کہ انہیں بھی 65 سالہ پروڈیوسر ہاروی وائنسٹن نے جنسی طور پر ہراساں کیا، جس وجہ سے انہیں تکلیف ہوئی۔خیال رہے کہ ہاروی وائنسٹن پر کیٹ بلینشٹ سے قبل کم سے کم 100 خواتین و اداکاراؤں نے جنسی طور پر ہراساں کرنے اور ’ریپ‘ کرنے کا الزام عائد کر رکھا ہے۔