لاہور (آن لائن) مسلم لیگی رہنما تہمینہ دولتانہ مسلم لیگ (ن) کے قائد نواز شریف سے اظہار یکجہتی کیلئے جاتی امراء میں اندر جانے کی اجازت نہ ملنے پر ناراض ہو کر واپس چلی گئیں۔ تہمینہ دولتانہ کے صاحبزادے عرفان دولتانہ بھی ہمراہ تھے۔ میڈیا رپورٹس کے مطابق مسلم لیگ ن کی رہنما تہمینہ دولتانہ اپنے قائد نواز شریف کے ساتھ اظہار یکجہتی کیلئے جاتی امراء پہنچیں۔ سکیورٹی پر مامور اہلکاروں نے انہیں اندر جانے کی اجازت نہ دی جس پر وہ ناراض ہوکر واپس چلی گئیں۔ تہمینہ دولتانہ کی گاڑی میں ان کے صاحبزادے عرفان دولتانہ بھی موجود تھے۔