لاہورریجن کرکٹ ایسوسی ایشن نے گراؤنڈزکی تزین وآرائش شروع کر دی

لاہور(سپورٹس رپورٹر+نمائندہ سپورٹس) ماہ صیام کے آغازکیساتھ ہی لاہورریجن کرکٹ ایسوسی ایشن نے اپنے زیرانتظام گراؤنڈزکی تزین وآرائش کاکام شروع کر دیا۔لاہور ریجن کرکٹ ایسوسی ایشن کے زیر انتظام ایل آر سی اے اتفاق گراؤنڈکی تزین وآرائش کاکام شروع کردیاگیا ،گراونڈ میں موجودپچزکوبہتربنانے کیلئے ان پرنئی مٹی ڈالنے کافیصلہ کیا گیاہے ، پچزکیلئے نندی پورسے سپیشل مٹی منگوا لی گئی ہے ، پچزکو ایک ایک انچ کھودکراْن پرنئی مٹی ڈالی جائے گی ، مٹی ڈالنے کاکام دس رمضان المبارک تک مکمل کرلیاجائیگا ،پچزکیساتھ ساتھ گراؤنڈمیں نئی گھاس بھی لگائی جائیگی اورگھاس لگانے کاکام 15 سے 20 رمضان کے درمیان مکمل ہوجائے جس کے بعدگراؤنڈکوپانی سے بھر دیاجائے گا ،عید الفطر کے فوری بعد اتفاق ایل آر سی اے گراؤنڈ کھیلنے کیلئے پوری طرح سے تیار ہوگی۔۔