لاہور(سپورٹس ڈیسک )ٹائیگر ووڈز کی ماسٹرز میں کامیابی کے بعد انہیں ڈونلڈ ٹرمپ نے وائٹ ہاؤس میں صدارتی تمغہ آزادی سے نوازا۔گالفرکو قوم کا اعلیٰ ترین اعزاز دیتے ہوئے ان کی تعریف کی اور کہا کہ ’مسلسل جیت جیت جیت‘۔امریکی صدر نے ٹائیگر ووڈز کو مبارک باد دی اور کہا کہ ’تمہاری حیران کن واپسی، تمہاری حیران کن زندگی اور کھیل کے مداحوں کو زندگی بھر کی یادیں دینے کے لیے تمہیں مبارک ہو۔انہوں نے کہا کہ آخرآگے کیا کرنے والے ہو ٹائیگر، یہ جاننے کے لیے ہم بے صبرے ہورہے ہیں۔وائٹ ہاؤس کے روز گارڈن میں ہونے والی تقریب میں 43 سالہ ٹائیگر ووڈ نے اپنی ماں، 2 بچوں، اپنی گرل فرینڈ اور کیڈی کا شکریہ ادا کیا۔2008 کے یو ایس اوپن جیتنے کے بعد چوٹ لگنے کے باعث کھیل سے دور رہنے والے ٹائیگر ووڈز نے گزشتہ ماہ ماسٹرز میں واپسی اور جیتنے پر کہا کہ ’آپ نے اچھا اور برا دیکھا ہے، بلندی اور پستی دیکھی ہے۔ان کا کہنا تھا کہ میرے والد اب یہاں نہیں ہیں لیکن میری ماں یہیں ہیں، مجھے میری ماں سے بہت محبت ہے۔