ایران کیخلاف جنگی اختیارات کم کرنے کی قرارداد حقائق کے منافی: ٹرمپ، ویٹوکردی

واشنگٹن (نیٹ نیوز) امریکی صدر ڈونلڈ ٹرمپ نے ایران سے متعلق اپنے جنگی اختیارات کم کرنے کی کانگریس کی قرارداد ویٹو کر دی۔ انہوں نے کہا کہ امریکی کانگریس کی قرارداد باعث توہین اور قانون و حقائق کے منافی ہے۔ قرارداد کی حمایت کرنے پر امریکی صدر نے اپنی ہی جماعت کے ارکان پر شدید تنقید کی۔ صدر ٹرمپ کا کہنا تھا کہ قرارداد میں امریکہ کے دفاع سے متعلق مجھے حاصل آئینی اختیارات کی غلط تشریح کی گئی۔