لاہور(سپورٹس ڈیسک ) اے بی ڈویلیئرز کی انٹرنیشنل کرکٹ میں واپسی کا امکان پیدا ہوگیا ہے۔ کرکٹ جنوبی افریقہ کے ڈائریکٹر جنرل گریم امتھ نے عندیہ دیا ہے کہ اے بی ڈویلیئرز کو ویسٹ انڈیز کے خلاف ٹی ٹونٹی سیریز میں شا مل کیا جاسکتا ہے، انہوںنے کہا کہ اے بی ڈویلیئرز ، عمران طاہر اور کرس مورس جیسے دیگر کھلاڑیوں کی ٹیم میں واپسی کے نتیجے میں ٹی ٹونٹی لائن اپ ٹیم کو تقویت مل سکتی ہے، شائقین کرکٹ ویسٹ انڈیز کیخلاف ٹی ٹونٹی سیریز کے دوران اے بی کو دوبارہ ایکشن میں دیکھ سکتے ہیں۔ ہیڈ کوچ مارک باؤچر نے بھی  ٹی 20 ورلڈ کپ میں جنوبی افریقہ کیلئے اے بی کی واپسی کی طرف اشارہ دیا تھا۔