میڈرڈ اوپن : کارلوس الکاراز نے رافیل نڈال کو اپ سیٹ شکست دیدی

لاہور(سپورٹس ڈیسک)سپین کے کارلوس الکاراز نے میڈرڈ اوپن ٹینس مینز سنگلز کوارٹر فائنل میں رافیل نڈال کو ہرا کر سیمی فائنل کیلئے کوالیفائی کرلیا۔ سیمی فائنل میں کارلوس الکاراز کا مقابلہ سربین ٹینس سٹار نوواک جوکووچ سے ہوگا۔اے ٹی پی کے زیر اہتمام میڈرڈ اوپن کے دلچسپ مقابلوں کا سلسلہ سپین میں جاری ہیں۔19 سالہ ہسپانوی کھلاڑی کارلوس الکاراز نے شاندار کارکردگی کا  مظاہرہ کرتے ہوئے  پانچ بار کے ہم وطن چیمپئن رافیل نڈال کو 2-6،6-1 اور 3-6سے شکست دے کر سیمی فائنل کیلئے کوالیفائی کرلیا۔ کارلوس الکاراز کا سیمی فائنل میں سربین ٹینس سٹار اور عالمی نمبر ایک نوواک جوکووچ کا چیلنج درپیش ہوگا۔انہوں نے پائولش حریف کھلاڑی ہیوبرٹ ہرکاز کو سٹریٹ سیٹس میں 3-6 اور 4-6 سے ہرا کر ٹاپ فور کیلئے کوالیفائی کیا۔ دیگر کوارٹر فائنل میچز میں یونانی ٹینس کھلاڑی سٹیفانوس روس کے حریف کھلاڑی آندرے روبلوف کو ہرا کر اور جرمنی کے الیگزینڈرزویروف نے کینیڈین حریف کھلاڑی فیلکس اوجرالیاسائم کو شکست دے کر سیمی فائنل کیلئے کوالیفائی کرلیا۔ سیمی فائنل رائونڈ میں سپین کے کارلوس الکاراز کا مقابلہ سربین ٹینس سٹار نوواک جوکووچ  اور دوسرے سیمی فائنل میچ میں سٹیفانوس کا مقابلہ جرمنی کے الیگزینڈر زویروف سے ہوگا۔