اسلام آباد(نا مہ نگار)وفاقی وزیر تعلیم و پیشہ وارانہ تربیت رانا تنویر حسین پانچ روزہ سرکاری دورے پرسعودی عرب پہنچ گئے ہیں،وفاقی وزیر تعلیم ، اپنے سعودی ہم منصب ڈاکٹر حماد الشیخ کی دعوت پر تعلیم و نمائش کی بین الاقوامی کانفرنس میں شرکت کریں گے۔وفاقی وزیر رانا تنویر اپنے سعودی ہم منصب سے تعلیمی امور سے متعلق دو طرفہ تعاون پر تفصیلی بات چیت کرینگے۔وفاقی وزیر تعلیم رانا تنویر دورہ سعودی عرب کے دوران گورنر ٹی ویٹ کارپوریشن سے بھی ملاقات کرینگے۔ملاقات میں ٹیکنیکل ایجوکیشن سمیت سکلز سے متعلقہ امور پر تفصیلی بات چیت ہوگی۔وفاقی وزیر تعلیم سعودی عرب میں موجود پاکستانی اسکولز کا دورہ بھی کرینگے۔رانا تنویر حسین امام سعود بن اسلامک یونیورسٹی کا دورہ بھی کرینگے۔ وفاقی وزیر تعلیم و پیشہ وارانہ تربیت کی ورلڈ بینک کے گلوبل ایجوکیشن ڈائریکٹر جائم ساویدرا سے بھی ملاقات متوقع ہے۔