قصور+ ننکانہ صاحب (نمائندہ نوائے وقت+ نامہ نگار) متعدد وارداتوں میں کئی شہری لٹ گئے۔ نوید نے تھانہ صدر پھولنگر میں اطلاع دی کہ سہارنکے کے علاقے میں میرے گھر سے چور ایک لاکھ 50ہزار روپے لے گئے ۔ خادم نے تھانہ سٹی چونیاں میں اطلاع دی کہ بائی پاس چونیاں کے قریب ڈاکوؤں نے نقدی اور موبائل چھین لیا ۔ لیاقت نے تھانہ چھانگا مانگا میں اطلاع دی کہ منڈیکی کے قریب ڈاکوؤں نے 50 ہزار روپے چھین لئے ۔ ندیم نے تھانہ صدر پھولنگر میں اطلا ع دی کہ بھائی پھیرو کے قریب تین ڈاکولوڈر رکشہ چھین کر فرار ہو گئے ۔ غلام رسول نے تھانہ صدر پتوکی میں اطلا ع دی کہ کھریپڑ شریف چوک میں ڈاکو 10 ہزار روپے اور موبائل چھین کر فرار ہوگئے ۔ راحت نے تھانہ سٹی پتوکی میں اطلاع دی کہ ملانوالہ بائی پاس کے قریب ڈاکوؤں نے موٹر سائیکل اور موبائل چھین لیا ۔ موڑ کھنڈا ہیڈ بلوکی روڈ پر پولیس نے تین جوانوں نے دوران تلاشی حسن رضا ایڈووکیٹ کی کارسے 45 ہزار روپے کی نقدی چوری کر لی۔موٹر سائیکل پر سانگلہ ہل سے مڑ ھ بلوچا ں جاتے 16 ج ب فیصل آباد کے علی حسین اور اسکی بیوی سے دو ڈاکوؤں نے طلائی زیورات اور دس ہزار روپے چھین لئے۔ وارڈ نمبر 15 شاہکوٹ کے فہد کے اہل خانہ کی غیر موجودگی میں چو ر گھر سے 12 ہزار روپے اور موبائل لے گئے ۔ بچیکی روڈ پرڈاکو زمیندار ظفر اقبال اور اسکے ملازم سے ایک لاکھ 25 ہزار روپے چھین کر فرار ہوگئے۔