کارلوس الکاراز نے میڈرڈ اوپن ٹینس کے سیمی فائنل میں جگہ بنالی

میڈرڈ(آئی این پی)سپین کے کارلوس الکاراز نے میڈرڈ اوپن ٹینس مینز سنگلز کوارٹر فائنل میں رافیل نڈال کو ہرا کر سیمی فائنل کے لئے کوالیفائی کرلیا۔ سیمی فائنل میں کارلوس الکاراز کا مقابلہ سربین ٹینس سٹار نوویک جوکووچ سے ہوگا۔اے ٹی پی کے زیر اہتمام میڈرڈ اوپن کے دلچسپ مقابلوں کا سلسلہ سپین میں جاری ہیں۔19سالہ ہسپانوی کھلاڑی کارلوس الکاراز نے شاندار کارکردگی کا مظاہرہ کرتے ہوئے پانچ بار کے ہم وطن چیمپئن رافیل نڈال کو 2-6،6-1 اور 3-6سے شکست دے کر سیمی فائنل کے لئے کوالیفائی کرلیا۔ کارلوس الکاراز کا سیمی فائنل میں سربین ٹینس سٹار اور عالمی نمبر ایک نوویک جوکووچ کا چیلنج درپیش ہوگا۔انہوں نے پائولش حریف کھلاڑی ہیوبرٹ ہرکاز کو سٹریٹ سیٹس میں3-6 اور4-6 سے ہرا کر ٹاپ فور کے لئے کوالیفائی کیا۔دیگر کوارٹر فائنل میچز میں یونانی ٹینس کھلاڑی سٹیفانوس روس کے حریف کھلاڑی آندرے روبلوف کو ہرا کر اور جرمنی کے الیگزینڈرزویروف نے کینیڈین حریف کھلاڑی فیلکس اوجرالیاسائم کو شکست دے کر سیمی فائنل کے لئے کوالیفائی کرلیا۔ سیمی فائنل رائونڈ میں سپین کے کارلوس الکاراز کا مقابلہ سربین ٹینس سٹار نوویک جوکووچ اور دوسرے سیمی فائنل میچ میں سٹیفانوس کا مقابلہ جرمنی کے الیگزینڈر زویروف سے ہوگا۔