کراچی (اسٹاف رپورٹر) سوشل اسٹوڈنٹس فورم کی 36سالہ سماجی خدمات قابل تقلید ہیں۔ یہ بات سوشل اسٹوڈنٹس فورم کے 36 ویں سالانہ ہفتہ عیادت کے سلسلے میں دوسرے دن (NICH) میں بچوں میں کھلونے اور تحائف تقسیم کرتے ہوئے مہمانِ خصوصی وزیر اعظم کے سابق مشیر تجارت، ڈاکٹر مرزا اختیار بیگ نے کہی ۔ انکے ہمراہ انعم شمس، فورم کے چیئرمین نفیس احمد خان، جنرل سیکریٹری مسعود احمد وصی، سینیئر وائس چیئرمین فاروق عرشی، فہیم برنی، سینئر نائب صدر ڈاکٹر رفیع احمد، سید کوثر، احسن شیخ، محمد حسن خان صدر محبان کراچی اور ممبران بھی موجود تھے۔ فورم کے جنرل سیکریٹری مسعود احمد وصی نے کہا کہ ہم اسی طرح بے لوث خدمات انجام دیتے رہیں گے۔ فورم کے چیئرمین نفیس احمد خان نے کہا کہ نیشنل انسٹی ٹیوٹ فار چلڈرن بہت اعلیٰ خدمات انجام دے رہا ہے۔ ڈاکٹر مرزا اختیار بیگ نے فورم کی مسلسل مریضوں کیلئے خدمات کو سراہا اور اپنی مکمل اعانت اور سرپرستی کا یقین دلایا۔ فورم کے سینئر وائس چیئرمین فاروق عرشی نے تمام مہمانوں کا شکریہ ادا کیا۔ 
ڈاکٹر مرزا اختیار بیگ