اسلام آباد (نوائے وقت رپورٹ+نیوز ایجنسی) وزیرخارجہ بلاول بھٹو زرداری نے کہا ہے کہ چین اور افغانستان کے وزرائے خارجہ کی میزبانی کرنا اعزاز ہے۔ سماجی رابطے کی ویب سائٹ ٹوئٹر پر وزیرخارجہ بلاول بھٹو زرداری کا کہنا تھا کہ سہ فریقی مذاکرات کی صدارت کرنا میرے لئے اعزاز کی بات ہے۔ مذاکرات میں سیاسی امور‘ انسداد دہشت گردی‘ تجارت اور روابط پر نتیجہ خیز بات چیت کی گئی۔ وزیرخارجہ بلاول بھٹو زرداری کا کہنا تھاکہ تینوں ممالک تعمیری تعاون کیلئے پرامید ہیں۔چیئرمین بلاول بھٹو زرداری نے ظاہر شاہ کو ان کے 10 ویں یوم شہادت پر خراج عقیدت پیش کرتے ہوئے کہا ہے کہ شہید ظاہر شاہ ایک جرات مند رہنما اور پیپلز پارٹی کا سرمایہ تھے۔ اپنے بیان میں بلاول بھٹو زرداری نے کہاکہ شہید ظاہر شاہ کی پارٹی اور دیر کی عوام کے لئے خدمات کو کبھی فراموش نہیں کیا جائے گا۔
بلاول
