بلاول بھٹو نے بھارت میں کشمیریوں کے جذبات کی بھرپور ترجمانی کی: منےر قمر واہگہ

شیخوپورہ(نمائندہ نوائے وقت) پیپلز پارٹی کے ڈویژنل نائب صدر و نامزد امیدوار پی پی 140چوہدری منیر قمر واہگہ نے کہا کہ وزیر خارجہ بلاول بھٹو زرداری نے بھارت میں جا کر کشمیریوں کے جذبات کی بھرپور ترجمانی کی پی ٹی آئی کے رہنما بلاول بھٹو کے بھارت جانے اور مقبوضہ کشمیر کے مظلوم عوام کی آواز اٹھانے پر تنقید کر کے اپنی کشمیر دشمنی واضح کررہے ہیں، بھارت کی سرزمین پر وزیرخارجہ بلاول بھٹو زرداری کے دوٹوک موقف نے بی جے پی اور پی ٹی آئی کی نیندیں حرام کردی ہیں، ان خیالات کا اظہار انہوں نے ضلعی سینئر نائب صدر چوہدری خالق عزیز مت ورک کے ڈیرہ پر منعقدہ انتخابی کارنر میٹنگ سے خطاب کرتے کیا۔